* * *

Ինքնաթիռում

խմում էին ծնողների, ընկերների, երեխաների,

մարտական ջոկատում անցկացրած փառապանծ ու դաժան օրերի,

ծանր մարտերով գրավված կանանց կենացը։

Հետո հիշեցին հայրենիքը,

հայրենիքի համար զոհվածների թողած

որբերին ու ծերերին…

 

Ում հայացքը ցածից խմում էր

ինքնաթիռի հետագիծը,

որն այս անգամ էլ հեռանում էր՝

տանելով իրենց բաժին փշրանքը

որպես «դյութի-ֆրիից էժանով առած» թանկ կոնյակ։

 

* * *

Չարքաշ կյանքի հսկայական մարմինը

Միայն վտիտ մարմնի մեջ է պարփակվում։

Advertisements